ZOEZI LA SENSA WILAYA YA SIKONGE LAFIKIA ZAIDI YA 100%.

Imewekwa: August 31st, 2022

Na.Anna Kapama_Sikonge

Mkuu wa Wilaya ya Sikonge Mhe.John Palingo amesema Halmashauri ya Wilaya ya Sikonge imevuka lengo katika Zoezi la Sensa ya watu na Makazi kwa kuhesabu zaidi ya Idadi iliyokadiriwa na kufikia zaidi ya asilimia miamoja.

Mhe.Palingo ametoa kauli hiyo katika Mkutano wa Baraza la madiwani uliofanyika katika Ukumbi wa Halmashauri na kuwapongeza waliohusika kufanikisha zoezi hilo.

"Katika Zoezi la Sensa linaloendelea niwapongeze Kamati zote Kuanzia Kamati ya Wilaya, Kata, Vijiji na Vitongoji kwa kuandaa vizuri zoezi la Sensa, tulikuwa na Makisio ya kaya 41,105, mpaka Jana tumefikia Kaya 53,874 sawa na 131.1% na bado tunaendelea kuhesabu" alifafanua zaidi

Aidha, DC Palingo ameongeza kuwa Serikali imeongeza Siku Saba ili kutoa nafasi kwa ambao hawakuheaabiwa wahesabiwe.

"Tuendelee kutoa Ushirikiano ili tumalizie zoezi hili Vizuri,kila mtu apate nafasi ya kuhesabiwa, zoezi la kudodosa Majengo lilianza Jana na linaendelea pia kwa siku tatu"DC Palingo akifafanua.

#kaziiendelee