MKURUGENZI MTENDAJI AKABIDHIWA RASMI OFISI NA ALIYEKUWA KAIMU MKURUGENZI.

Imewekwa: August 13th, 2021

MKURUGENZI MTENDAJI AKABIDHIWA RASMI OFISI NA ALIYEKUWA KAIMU MKURUGENZI.

Na. Anna Kapama

Agosti 13, 2021

Aliyekuwa Kaimu Mkurugenzi Mtendaji Halmashauri ya Wilaya ya Sikonge, Tito Luchagula amemkabidhi ofisi Mkurugenzi Mtendaji Seleman Pandawe  na kumpongeza kwa uteuzi huo huku akiahidi kushirikiana nae  katika kuwatumikia wananchi.

Kwa upande wake Bwana Tito Luchagula amewashukuru viongozi mbalimbali wa Chama cha Mapinduzi, Ofisi ya Mkuu wa Wilaya, Watumishi na Wananchi kwa ujumla kwa ushirikiano waliompatia katika kipindi chote alichokuwa akikaimu nafasi ya Ukurugenzi.

Aidha, Mkurugenzi Mtendaji amemshukuru bwana Tito Luchagula na kupongeza juhudi na mafanikio yaliyopatikana kipindi cha kukaimu kwake ikiwa ni pamoja kusimamia miradi ya maendeleo kwa ufanisi mkubwa ikiwemo ujenzi wa Hospitali ya Wilaya, Ujenzi wa Kiwanda cha kuchakata mazao ya nyuki, Kusimamia ujenzi wa vyumba vya madarasa msingi na sekondari, maandalizi ya standi mpya pamoja na kusimamia ukusanyaji wa mapato hadi kufikia 83% kwa mwaka 2020/2021.

Pia, DED Pandawe ameahidi kuendeleza mafanikio na kuhakikisha anaongeza zaidi kwa manufaa ya Sikonge na Taifa kwa ujumla, huku akiwaomba ushirikiano uliokuwepo kutoka kwa Viongozi, watumishi na Wananchi uendelee katika kutimiza adhima ya kuleta maendeleo.

Makabidhiano hayo yamefanyika leo katika Ofisi ya Mkurugenzi Mtendaji  na kushuhudiwa na wakuu wa Idara na Vitengo mbalimbali.