DED PANDAWE AKUTANA NA WAFAWIDHI KUJADILI MIRADI YA AFYA INAYOTEKELEZWA KATIKA MAENEO YAO.

Imewekwa: June 22nd, 2022

DED PANDAWE AKUTANA NA WAFAWIDHI KUJADILI MIRADI YA AFYA INAYOTEKELEZWA KATIKA MAENEO YAO.

Na.Anna Kapama

Tarehe 22.6.2022

Mkurugenzi Mtendaji wa Halmashauri ya Wilaya ya Sikonge Ndg.Seleman Pandawe amefanya kikao na Kuzungumza na  wafawidhi wa vituo vya kutolea huduma za Afya  ili Kuzungumza nao na kutoa taarifa mbalimbali za Maendeleo ya Miradi ya Afya inayotekelezwa kwenye vituo hivyo ikiwa ni Siku kadhaa zimebaki  kuelekea Mwisho wa Mwaka wa Fedha2021/2022.

Awali Mganga Mkuu wa Wilaya Christopher Nyalu  amesema lengo la kikao hicho ni kujadili Maendeleo ya Miradi inayotekelezwa katika vituo vya kutolea huduma za Afya ili kupanga Mikakati ambayo itasaidia kuhakikisha fedha zilizotolewa na Serikali zinatumika ipasavyo.

Aidha, DED Pandawe amewasisitiza wazimamizi hao kufuata taratibu zinazotakiwa ikiwemo kuzingatia matumizi sahihi ya fedha kwa miradi iliyokusudiwa huku  akimpongeza Katibu wa Afya Hospitali ya Wilaya ya Sikonge Masoud Ally kwa kusimamia vyema Mradi wa Ujenzi wa Majengo Sita ya Hospitali ya Wilaya  yenye  TSH.Bilioni 1.2.

Halmashauri ya Wilaya ya Sikonge inaendelea kutekeleza Miradi mbalimbali ya Maendeleo ikiwemo ya Afya, Elimu, Barabara ,Maji na mingine mingi ambayo Serikali inatoa fedha nyingi kuhakikisha wananchi wanapata huduma Bora.

#jiandae kuhesabiwa

#shirikisensayawatunamakazi2022 

#kaziiendelee