WILAYA YA SIKONGE YAADHIMISHA SIKU YA MAZINGIRA DUNIANI KWA KUPANDA MITI.

Imewekwa: June 5th, 2022

WILAYA YA SIKONGE YAADHIMISHA SIKU YA MAZINGIRA DUNIANI KWA KUPANDA MITI.

Na.Anna Kapama

Tarehe 5.6.2022

Ikiwa ni Siku ya Mazingira Duniani Halmashauri ya Wilaya ya Sikonge imeadhimisha siku hiyo kwa kupanda Miti katika maeneo mbalimbali ikiwemo Kata ya Pangale, ambapo Viongozi mbalimbali wamehudhuria akiwemo  Kaimu Katibu Tawala  Wilaya ya Sikonge Faraja Hebel, Wakala wa Misitu(TFS) Wilaya ya Sikonge, na wataalamu kutoka Ofisi ya Mkurugenzi.

Kaimu Katibu Tawala Faraja Hebel amewasisitiza wananchi kutunza Mazingira kwa kupanda Miti pamoja na kutunza vyanzo vya Maji kwa kuwa ni muhimu kwa maisha ya wanadamu na viumbe hai.

Aidha, Hebel amewaasa wananchi kutokufanya  Shughuli za kibinadamu kwenye Vyanzo vya Maji  akiwataka kuwa mabalozi wazuri katika kutunza vyanzo hivyo kwa kupanda Miti.

Akizungumza kwa niaba ya Mkurugenzi Mtendaji,  Afisa Mazingira  Wilaya ya Sikonge Bwenge Mwesigwa ametoa Elimu ya upandaji Miti na namna ya kuitunza na kuongeza kuwa upandaji na utunzaji wa Miti unapaswa kuwa endelevu na siyo siku maalumu.

Katika kuunga mkono juhudi za kuhifadhi  Mazingira Ofisi ya Wakala wa huduma za  Misitu Tanzania (TFS) Wilaya ya Sikonge imetoa Miche 483 ambayo imepandwa na Viongozi pamoja na  wananchi katika maeneo yao.

#Tanzania ni moja.Tunza Mazingira

#jiandaekuhesabiwa2022

#kaziiendelee