WATENDAJI WA KATA WASAINI MKATABA WA LISHE NGAZI YA KATA NA VIJIJI.

Imewekwa: November 2nd, 2022

Sikonge_Tabora

Mkuu wa Wilaya ya Sikonge Mhe.John Palingo ameshuhudia utiaji Saini utekelezaji wa Mkataba wa Lishe uliofanyika kati  ya Mkurugenzi Mtendaji wa Halmashauri ya Wilaya ya Sikonge  na watendaji wa Kata 20 za Wilaya hiyo.

Awali akizungumza na watendaji hao Mhe.Palingo amewataka kuzingatia na  kutekeleza maelekezo yote yaliyo katika Mkataba huo ili kuwezesha kufikia lengo na jamii yenye Afya.

Aidha,amewaagiza watendaji wa Kata kuhakikisha wanasimamia shughuli za Lishe  kwenye Shule zilizo katika maeneo yao  ili Wanafunzi wapate Chakula wawapo Shuleni.

Kwa Upande wake Kaimu Mkurugenzi wa Halmashauri ya Wilaya ya Sikonge Nico Kayange amewataka watendaji kutoa taarifa sahihi za utekelezaji  kila robo ambayo itakuwa unapima utekelezaji wa Mkataba huo.

"Tunataka tuwe na watu wenye Afya njema, tuepuke visingizio katika kutekeleza Mkataba na Afua za Lishe, taarifa za kila robo ziwe halisi". Kayange

Afisa Lishe Wilaya ya Sikonge Veronica Ferdinand amesema atahakikisha anafatilia utekelezaji wa Mkataba huo unatekelezwa kwa wananchi sambamba na kutoa Elimu ya Lishe ili kujenga jamii imara na yenye Afya.

#kaziiendelee