WATAALAMU WA BODI YA BONDE LA ZIWA TANGANYIKA WASISITIZA ELIMU ITOKEWE KATIKA KUTUNZA VYANZO VYA MAJI_SIKONGE.

Imewekwa: September 16th, 2022

Na.Anna Kapama

Wataalamu kutoka Bodi ya Bonde la Ziwa Tanganyika wamefika Wilaya ya Sikonge Kata ya Ngoywa katika Kidakio Cha Mto Ulua kukagua na kutazama mienendo ya njia za Maji ya Mto huo.

Katika ukaguzi huo wataalamu hao wamewaasaa Wananchi hasa wafugaji na wakulima kutoendesha shughuli za binadamu katika vyavzo hivyo na badala yake ikiwa wanataka kutumia Maji ya Mto huo wafuate taratibu sahihi ili kutoathiri mkondo huo wa Mto.

Akizungumza na Viongozi wa Kijiji hicho Afisa kutoka Bodi ya Maji ya Bonde la Ziwa Tanganyika Mhandisi Gaudens Ndolo amesema wananchi wanapaswa kufata taratibu na sheria za utunzaji wa Vyanzo vya Maji zilizowekwa.

"Wananchi wanaruhusiwa kuendesha shughuli zao umbali wa Mita 60 kutoka kwenye Chanzo Cha Maji, sasa kuna watu waliojenga matuta wakichepusha Maji, kwa kufanya hivyo wanauzuia Mto kuendelea ,niwashauri waombe kibali kutoka mamlaka husika wataelekezwa namna Bora ya kutumia pasipo kuathiri Mto huo" Mhandisi Ndolo

Kwa Upande wake Mwenyekiti wa Kijiji Cha utimule Charles Edward amesema Uongozi wa Kijiji utahakikisha wananchi wanapata Elimu ya kutosha ili waweze kutunza Kidakio hicho.

"Nawashukuru wataalamu kwa kuja kutupa Elimu hii,,sisi Viongozi tutasimamia, na watakaokaidi tutawawajibisha" Bw.Charles Edward amefafanua.

Kidakio Cha Mto Ulua kimekuwa na tija kwa wananchi wa Kata ya Ngoywa na maeneo mengine katika Shughuli za Kilimo na Ufugaji hali inayopelekea wataalamu wa Bonde la Ziwa Tanganyika kufika kutoa Elimu ya utunzaji wa chanzo hicho ili kidumu kwa muda mrefu.