WANANCHI WAHIMIZWA KUCHANGIA MIRADI YA MAENDELEO KWA HIARI.

Imewekwa: September 27th, 2021

WANANCHI  WAHIMIZWA KUCHANGIA MIRADI YA MAENDELEO KWA HIARI.
Akiendelea na ziara yake katika kata 20 za Wilaya ya Sikonge,Mkuu wa Wilaya hiyo Mhe.John Palingo ameendelea na kampeni ya ujenzi wa vyumba vya madarasa kata ya Kilumbi na kuwasisitiza wananchi kuchangia ujenzi wa maboma ili waweze kukabiliana na changamoto ya upungufu wa madarasa katika Shule za Msingi na sekondari huku akionyesha mfano  kwa kuchangia Sh.laki  moja inakayosaidia ujenzi wa madarasa hayo.
DC Palingo ameyasema hayo alipotembelea Shule ya Msingi Mwamalugu huku akiwataka  walimu na wananchi kuhakikisha wanafunzi katika shule za Msingi  na Sekondari zote zilizopo kata hiyo wanapata chakula wawapo shuleni.
Kwa upande wake diwani wa Kata ya Kilumbi, Mhe.Mayeka Mbusa ameahidi kusimamia zoezi la upatikanaji wa chakula shuleni sambamba na kuwahamasisha wananchi kujitolea kujenga maboma ya madarasa ili serikali kupitia tozo za miamala iweze kutoa fedha za ukamilishaji wa madarasa hayo.
Mhe.Palingo ametembelea vijiji mbalimbali vikiwemo Majojoro,Kilumbi,Mwamalugu na Mtendeni akihamasisha ujenzi wa madarasa, Chanjo ya UVIKO-19,pamoja na kusikiliza kero za Wananchi sambamba na Kukagua miradi ya maendeleo.
 Na.Anna Kapama.