TUNAOMBA TUPATIWE MAFUNZO YA KIUTUMISHI YATUSAIDIE KUTUJENGEA UWEZO WA KUHUDUMIA JAMII" WATENDAJI SIKONGE.

Imewekwa: October 21st, 2021

TUNAOMBA TUPATIWE MAFUNZO YA KIUTUMISHI YATUSAIDIE KUTUJENGEA UWEZO WA KUHUDUMIA JAMII" WATENDAJI SIKONGE.

Watendaji wa Kata na Vijiji Wilayani Sikonge wameomba kupatiwa mafunzo ya kiutumishi yanayoendana na wakati ili waweze  kutekeleza majukumu yao.

Watumishi hao wameyasema hayo mbele ya Mkurugenzi  ambae ameendelea na ziara katika  kata  za; Kipanga, Kiloleli na Usunga na   kuongeza kuwa kwa kupatiwa semina/mafunzo mbalimbali yatawajengea uwezo wa kiutumishi ili waweze kutatua changamoto na kutekeleza majukumu yao ya kila siku kwa ufanisi.

"Tunaomba tupatiwe semina kuna masuala ya kisheria mengi ambayo tunashindwa kuyatatua kutokana na kutokujua sheria na taratibu mbalimbali hali inayopelekea kufanya maamuzi mengine ambayo si sahihi kulingana na wakati ..." Mtendaji kata ya Kipanga.

Aidha,Kaimu Mkurugenzi ambae pia Ni Mkuu wa Idara ya Utawala na Rasilimali watu(W) Nico Kayange amesema atalifanyia kazi ombi hilo kwa kuwa ni muhimu kwa ustawi wa watumishi  huku akiwashauri watumishi kujiendeleza kielimu ili waongeze ufanisi katika utendaji wao.

Sambamba na hilo Ndg. Kayange  ameahidi kutatua changamoto na kero zote ambazo watumishi hao wamezitoa akishirikiana na menejimenti nzima  ili kwa pamoja waweze kufanya kazi katika mazingira bora na rafiki huku akiwataka watumishi wote kufanya kazi kwa weledi wakizingatia sheria na taratibu za utumishi wa Umma.

Na.Anna Kapama