RC BATILDA AIPONGEZA SIKONGE RIPOTI YA CAG.

Imewekwa: June 25th, 2022

RC BATILDA AIPONGEZA SIKONGE RIPOTI YA CAG.

 SIKONGE_

 Mkuu wa Mkoa wa Tabora Mhe.Balozi.Dkt.Batilda Buriani ameshiriki katika Baraza maalumu la kujadili taarifa ya Mdhibiti na Mkaguzi Mkuu wa Hesabu za Serikali (CAG) za mwaka wa fedha 2020/2021 katika Wilaya ya Sikonge na kuipongeza Halmashauri hiyo kwa kupata hati safi.

" Taarifa ya Mdhibiti na Mkaguzi Mkuu wa Hesabu za Serikali (CAG) ya mwaka wa fedha 2020/2021 imeonesha Halmashauri ya Wilaya ya Sikonge kwa mwaka 2020/2021 imepata hati safi hongereni sana Halmashauri imefanya vizuri "

Aidha, Balozi Batilda amewataka wataalamu kuendelea kujibu hoja zilizoibuliwa na CAG.

"Pamoja na matokeo  mazuri ya ukaguzi wa hesabu za mwaka  wa Fedha 2020/21, kila mmoja wenu aendelee kusimama kwenye nafasi yake kujibu hoja zilizoibuliwa na Mdhibiti na Mkaguzi Mkuu wa Hesabu za Serikali (CAG)." Balozi Dkt. Batilda.

Hata hivyo RC Batilda ameagiza  Kamati ya Fedha, Uongozi na Mipango kupokea na kujadili  taarifa ya maendeleo ya majibu ya hoja za ukaguzi wa ndani na nje katika vikao vyake vya kila mwezi .

Anna Kapama.

25.6.2022

#kaziiendelee