PIKIPIKI 20 ZAGAWIWA KWA WATENDAJI WA KATA.

Imewekwa: January 3rd, 2023

Sikonge _Tabora

Na.Anna_Kapama

Mwenyekiti wa Halmashauri ya Wilaya ya Sikonge Mhe.Rashid Magope amekabidhi pikipiki 20 Kwa watendaji wa kata za Halmashauri hiyo Kwa Mkopo ambapo watakuwa wanarejesha fedha Kwa awamu.

Awali akizungumza na watendaji hao Kaimu Mkurugenzi Mtendaji wa Halmashauri ya Sikonge Nico Kayange amewaasa kuzitumia pikipiki hizo Kwa ajili ya kurahisisha utendaji Kazi wa watendaji akiwaonya kutokukiuka madhumuni ya pikipiki hizo.

"Tunatarajia kuona pikipiki zinafanya kazi katika kuwarahisishia utekelezaji wa  majukumu yenu Kwa wakati katika maeneo yenu"Nico Kayange.

Kwa upande wake Kaimu katibu Tawala wa Wilaya ya Sikonge Faraja Hebel ameipongeza Ofisi ya Mkurugenzi Kwa kuona umuhimu wa kurahisisha utendaji Kazi watumishi hao na kutoa Rai Kwa watendaji akisema

"Hatutegemei kuona pikipiki zinakuwa bodaboda mtaani zikafanye kazi kama zilivyokusudiwa" Hebel

Jumla ya Pikipiki 20 zenye thamani ya Tsh.Milioni 58 zilizobaki wakati wa  ununuzi wa gari la Mkurugenzi zimekabidhiwa Kwa watendaji wa kata zote za Halmashauri ya Wilaya ya Sikonge ambapo watendaji hao wameishukuru Serikali Kwa kuendelea kuboresha maslahi ya watumishi.

#kaziiendelee

#2023