“NASISITIZA UWAJIBIKAJI KATIKA NAFASI TULIZOPEWA” MHE.DC.MAGEMBE.

Imewekwa: March 25th, 2024

Mkuu wa Wilaya ya Sikonge Mhe. Cornel Magembe amewasihi wakuu wa idara na divisheni kutekeleza wajibu wa nafasi walizopewa na Serikali kwa ukamilifu.

Ameyasema hayo leo katika kikao chake na wakuu wa idara na divisheni pamoja na kamati ya usalama wilaya kilichofanyika leo katika ofisi yake.

Mhe. Magembe amesema “Ninaomba ndugu zangu kila mtu akatende linalostahili ;msipofanya hivyo mnatufanya sisi viongozi tuonekane hatutimizi wajibu wetu,mnamfanya mkurugenzi aonekane hatimizi wajibu wake na hivyo kufanya Mkuu wa Wilaya aonekane ameshindwa kusimamia wajibu wake.Mimi nataka matokeo,mimi nawaomba tusipimane kila mtu akafanye kazi yake,kwenye suala la miradi ya fedha za umma hatutaelewana kama sioni matokeo”.

Kwa upande wake Kaimu mkurugenzi mtendaji wa Halmashauri  ya wilaya ya Sikonge Bw. Kelvin Msacky amemshukuru Mhe. Magembe na kupokea maelekezo hayo na kuahidi kwenda kuyafanyia kazi.