MKUU WA WILAYA YA SIKONGE AKAGUA MIRADI MBALIMBALI YA MAENDELEO

Imewekwa: June 24th, 2021

MKUU WA WILAYA YA SIKONGE  AKAGUA MIRADI MBALIMBALI YA MAENDELEO.

Na.Anna Kapama

Ikiwa ni Muda mfupi baada ya kukabidhiwa ofisi,Mkuu wa Wilaya ya Sikonge Mhe.John Palingo ameanza kazi kwa kufanya ziara na  kukagua  miradi ya maendeleo inayotekelezwa ili kujiridhisha na Maendeleo ya ujenzi huo.
Miongoni mwa miradi hiyo ni pamoja na
Vyumba vya Madarasa katika Shule ya Sekondari Tutuo,Mradi wa usambazaji maji Katika kijiji cha Kabanga unaosimamiwa na RUWASA,Hospitali ya Wilaya ya sikonge na Kiwanda cha kuchakata Mazao ya Nyuki,miradi ambayo inatarajiwa kuzinduliwa na Mwenge wa Uhuru Mwezi Julai,2021.
Mhe.Palingo amewataka watendaji na wasimamizi wa Miradi hiyo kumaliza kwa wakati ili wananchi waweze kunufaika kwa kupata huduma stahiki kutoka katika miradi hiyo.