MKUU WA MKOA MHE. BALOZI DKT. BATILDA BURIANI AIPONGEZA HALMASHAURI YA WILAYA YA SIKONGE

Imewekwa: June 12th, 2023

Mkuu wa mkoa Mhe. Balozi.Dkt.  Batilda Buriani ameipongeza halmashauri ya wilaya ya sikonge kwa kupata hati safi kwa mwaka wa fedha 2021/2022. Pamoja na hati safi tuliyoipata zipo hoja muhimu ambazo zinapaswa kufuatiliwa kwa ukaribu, kuhakikiwa na kufungwa.

Pia mkuu wa mkoa ameelekeza kwamba  Waheshimiwa Madiwani, Mkurugenzi, Wakuu wa Idara na Vitengo na Watumishi wote kwa pamoja watimize wajibu wao kwa kuzingatia sheria kanuni na taratibu zilizopo. ‘Napenda  Kuchukua nafasi hii kulikumbusha Baraza la Madiwani  kuhakikisha linawachukulia hatua kali watumishi wote wanaosababisha hoja zinazoleta hasara pasipo upendeleo  wala kumuonea mtu yoyote'

Aidha Halmashauri ihakikishe hoja zote zinapatiwa majibu stahiki na kuwasilishwa kwa mkaguzi mkuu wa nje (CEA) kwa ajili ya kuhakikiwa na kufungwa.