MHE.KAKUNDA ATEMBELEA MIRADI YA MAENDELEO-SIKONGE.

Imewekwa: November 24th, 2021

MHE.KAKUNDA ATEMBELEA MIRADI YA MAENDELEO-SIKONGE.

Mbunge wa Jimbo la Sikonge Mhe.Joseph Kakunda ametembelea miradi mbalimbali ya maendeleo ikiwemo ya Afya na Elimu Katika kata ya Tutuo ikiwa ni sehemu ya ziara zake kuangalia miradi ya maendeleo inayotekelezwa katika Wilaya ya Sikonge.

Mhe.Kakunda amewasisitiza Wasimamizi wa miradi ya maendeleo kusimamia kwa juhudi ili  iweze kukamilika kwa ubora na kwa  wakati hatimaye wananchi wapate huduma stahiki kwa kuwa Serikali ya awamu ya Sita imedhamiria kuwaletea maendeleo wananchi.

Aidha, Mhe.Kakunda ametoa rai kwa wasimamizi watakaozembea na kuchelewesha ukamilishaji wa miradi hiyo kuwa watachukuliwa hatua na kushughulikiwa.

Kwa upande wake Mwenyekiti wa Halmashauri(W), Mhe.Rashid Magope amesisitiza usimamizi thabiti wa vifaa vya ujenzi ili kuepuka mianya ya wizi wa vifaa kwa baadhi ya watu wasio waaminifu .Mhe.Kakunda ameambatana na Mwenyekiti wa Halmashauri ambae pia ni Diwani wa kata ya Tutuo, pamoja Afisa mipango wa Wilaya.