MHE.DC PERES MAGIRI AMKABIDHI OFISI MKUU WA WILAYA MPYA MHE.JOHN PALLINGO

Imewekwa: June 24th, 2021

MHE.DC PERES MAGIRI AMKABIDHI OFISI MKUU WA WILAYA MPYA MHE.JOHN PALINGO.

Na.Anna Kapama

Aliyekuwa mkuu wa Wilaya ya Sikonge Mhe.Peres Magiri amewasisitiza Wakuu wa Idara na watumishi wote kumpa ushirikiano wa kutosha Mkuu wa wilaya Mpya Mhe.John Palingo ili waweze kufanikisha maendeleo kwa Wananchi.
Mhe.Magiri ameyasema hayo wakati akimkabidhi ofisi Mkuu huyo mpya wa Wilaya ya Sikonge.

Aidha,Mhe.Magiri ambae pia ameteuliwa kuwa Mkuu wa Wilaya ya Kilolo,amemuhakikishia DC Palingo kuwa hali ya ulinzi na usalama ni ya kutosha.
Aidha,akitoa shukran Mhe.Magiri amemshuru Rais wa Jamhuri ya Muungano wa Tanzania kwa kumteua tena kuwa Mkuu wa Wilaya ya Kilolo,Chama cha Mapinduzi(CCM) viongozi na watumishi wote kwa ushirikiano waliouonyesha katika kipindi cha uongozi wake wilayani Sikonge.

Kwa Upande wake Mwenyekiti wa CCM Wilaya ya Sikonge Mhe.Anna Chambala ameahidi kumpa ushirikiano wa kutosha ili kutimiza ilani ya Chama Cha Mapinduzi(CCM) inayoongozwa na Rais wa Jamuhuri ya Muungano wa Tanzania Mhe.Samia Suluhu Hassan.

Makabidhiano hayo yamefanyika katika Ofisi ya Mkuu wa Wilaya ya Sikonge na kushuhudiwa na wakuu wa Idara, vitengo,na viongozi MBALIMBALI wa taasisi za Serikali,taasisi  binafsi ,wafanya biashara na Viongozi wa Dini.