MHE. CORNEL MAGEMBE AKAGUA UJENZI WA STEDI YA MABASI SIKONGE.

Imewekwa: April 3rd, 2024

Mkuu wa Wilaya ya Sikonge Mhe. Cornel Magembe leo ameongoza  kamati ya usalama ya  wilaya kukagua ujenzi wa stendi mpya ya mabasi Sikonge,ziara hiyo imeambatana na timu nzima ya menejimenti ya Halmashauri ya Wilaya ya Sikonge iliyoongozwa na  Mkurugenzi Mtendaji wa Halmashauri ya Wilaya ya Sikonge Ndg. Seleman Pandawe.

Mhe. Magembe amempongeza Mkurugenzi Mtendaji kwa wazo hilo zuri la kuanzisha stendi katika eneo hilo kwani ni moja ya njia za kukuza mji lakini pia kutengeneza ajira mbalimbali zitakazotokana na uwepo wa stendi  katika eneo hilo.

Aidha ameshauri kabla ya stendi hiyo kuanza kutumika yafanyike maboresho ya msingi ikiwa ni pamoja na ujazaji wa moramu katika eneo hilo,uwekwaji wa taa za sola pamoja na kuhamisha nyaya za umeme katika eneo la kuingilia magari.

Naye Mkurugenzi Mtendaji wa Halmashauri ya Wilaya ya Sikonge ameyapokea maelekezo yote yaliyotolewa na kuahidi kuyafanyia kazi.