KAMATI YA FEDHA YAKAGUA MIRADI YENYE THAMANI YA ZAIDI YA TSH.Bilioni 1.3 , YASISITIZA USHIRIKISHWAJI WA WANANCHI.

Imewekwa: October 24th, 2022

Sikonge_Tabora

Kamati ya Fedha Uongozi na Mipango  Halmashauri ya Wilaya ya Sikonge imekagua Miradi 9 ya Maendeleo katika Sekta ya Afya na Elimu

Akizungumza wakati wa ukaguzi huo Mwenyekiti wa Halmashauri hiyo Mhe.Rashid Magope amesema suala la ushirikishwaji wa wananchi na Viongozi wa Ngazi zote za Serikali hasa Vijiji  ni Muhimu lizingatiwe ili Wananchi wapate fursa za ajira katika miradi hiyo pamoja na kutambua Serikali inaleta Maendeleo kwa ajili yao.

Kwa Upande wake Diwani wa Kata ya Nyahua  Mhe.Andrea Masanja  ameipongeza Ofisi ya Mkurugenzi kwa kusimamia vyema Miradi hasa yenye fedha nyingi ikiwemo Jengo la Wagonjwa wa dharura(EMD)  huku akiwasisitiza maelekezo ya kuboresha  yanayotolewa na Kamati yafanyiwe kazi ili watakapokagua mara nyingine wakute miradi ikiwa katika Ubora zaidi.

Aidha, Mkurugenzi Mtendaji Wilaya Seleman Pandawe ameahidi kuyafanyia kazi maagizo yote yaliyotolewa na Kamati  yenye lengo la kuboresha miradi hiyo huku akisisitiza kuendelea kufanya ufuatiliaji kupitia Menejimenti ya wataalamu katika kutekeleza Miradi hiyo kwa ufanisi.

Kamati ya Fedha Uongozi na Mipango imekagua Miradi 9 ikiwemo Jengo la huduma za dharura (EMD) lenye Thamani ya TSH. Milioni 300, Wodi mbili za wanawake na wanaume waliopasuliwa zenye thamani ya Tsh.Milioni 400, Jengo la Kuhifadhia Maiti yenye thamani ya Tsh.Milioni 153, ukarabati wa Maabara ya Sekondari Igigwa Tsh.Milioni 30, Ujenzi wa nyumba ya watumishi TSH.Milioni 90,  Matundu ya Vyoo katika Zahanati ya Mole na Igigwa TSH.Milioni 30 ambapo fedha zote ni kutoka Serikali kuu , pamoja na Ujenzi wa Kituo Cha Afya Igigwa Chenye Thamani ya Tsh. Milioni 300.2 fedha za Mapato ya Ndani.

Ziara inaendelea..

#kaziiendelee