DKT. NYALU AONGOZA KIKAO CHA ROBO YA KWANZA CHA KAMATI YA LISHE JULAI HADI SEPTEMBA 2023 KATIKA UKUMBI WA HOSPITALI YA WILAYA SIKONGE

Imewekwa: November 9th, 2023

Kwa niaba ya Mkurugenzi Mtendaji wa Halmashauri ya Wilaya ya Sikonge Dkt. Christopher Nyalu Mkuu wa Divisheni ya Afya Ustawi wa Jamii na Lishe ameongoza kikao cha Kamati ya Lishe kwa robo ya kwanza Julai hadi Septemba 2023 katika ukumbi wa Hospitali ya Wilaya ya Sikonge.

Akiwasilisha Taarifa ya utekelezaji wa afua za lishe kwa robo ya kwanza Julai hadi Septemba 2023, Afisa Lishe Wilaya Bi. Veronica Ferdinand amesema katika utekelezaji wa robo hii ya kwanza viashiria vyote vya lishe vimetekelezwa vizuri kwa Zaidi ya asilimia themanini na kufikia rangi ya kijani isipokuwa kiashiria kimoja tu cha utekelezaji wa siku ya afya na lishe ya Kijiji au mtaa ambayo imetekelezwa kwa asilimia 71.8 na kufikia rangi ya njano ambayo ni kiashiria cha wastani.

Naye Mwenyekiti wa kikao  Dkt. Nyalu akifunga kikao hicho amewashukuru wajumbe wote kwa michango yao yenye tija kwa kamati na ameelekeza kufanya kazi kwa ushirikiano ili kupunguza na hatimaye kuondoa kabisa udumavu unaosababishwa na lishe duni wilayani Sikonge na Taifa kwa ujumla.