DC,DED MWENYEKITI WA HALMASHAURI NA WATAALAM SIKONGE WAFANYA ZIARA MANISPAA YA KAHAMA.

Imewekwa: May 27th, 2022

DC,DED MWENYEKITI WA HALMASHAURI NA WATAALAM  SIKONGE WAFANYA ZIARA MANISPAA YA KAHAMA.

Na.Anna Kapama

Mkuu wa Wilaya ya Sikonge Mhe.John Palingo, Mkurugenzi Mtendaji wa Halmashauri ya Wilaya ya Sikonge Seleman Pandawe , Mwenyekiti wa Halmashauri ya Wilaya ya Sikonge Mhe.Rashid Magope  na wataalam mbalimbali wamefanya ziara ya kikazi Halmashauri ya Manispaa ya Kahama kwa lengo la kuona na kujifunza namna Manispaa ya Kahama  inaendesha na kutekeleza Shughuli za Maendeleo ikiwemo uwekezaji na kuwawezesha wananchi kiuchumi .

Katika ziara hiyo ya Siku mbili  Viongozi hao wamepata nafasi ya kutembelea Miradi mbalimbali inayotekelezwa katika Manispaa hiyo  ikiwa ni pamoja na Ujenzi wa Jengo la Ofisi za Manispaa , fursa za Kiuchumi,  Uwekezaji , sambamba na kujifunza Mikakati na Mbinu  za ukusanyaji wa Mapato ambavyo kwa pamoja Manispaa ya Kahama inafanya vizuri.

Ziara hiyo inatarajiwa kuleta tija katika Halmashauri ya Wilaya ya Sikonge kwa kuwa Rasilimali mbalimbali za kufanikisha zipo.

"Kwa ujuzi tulioupata hapa, tutaenda kuutumia kwa ajili ya kuiletea Maendeleo Wilaya yetu"DC Palingo.

Kwa Upande wake Mwenyekiti wa Halmashauri ya Wilaya ya Sikonge Mhe.Rashid Magope  amesema kupitia ziara hiyo atakuwa Balozi kwa Waheshimiwa madiwani katika kuwaeleza Mikakati na Mbinu zilizotumiwa na Manispaa ya Kahama ili waweze kuzitumia kuwaletea wananchi Maendeleo

Aidha, Mkurugenzi Mtendaji wa Halmashauri ya Wilaya ya Sikonge Ndg.Seleman Pandawe ameongeza kuwa kupitia ziara hiyo amejifujza Mikakati na Mbinu Bora za kuwawezesha wananchi kujikwamua kiuchumi na mengine mengi ambayo yakitekelezwa Halmashauri ya Wilaya ya Sikonge itapiga hatua za kinaendeleo .

Kwa Upande wake Mkurugenzi  Mtendaji wa Manispaa ya Kahama  Underson Msumba amesema njia moja wapo iliyowafikisha katika Maendeleo  waliyonayo sasa ni kutumia fursa na Rasilimali zilizopo ikiwemo kuwawezesha wananchi kiuchumi na kupanga Mikakati madhubuti ya kuzitumia kwa manufaa ya wananchi pamoja Ushirikiano wa  Viongozi na watendaji.

#kaziiendelee