DC PALINGO AWATAKIA HERI WATAHINIWA WA MTIHANI WA DARASA LA SABA.

Imewekwa: October 4th, 2022

Sikonge_Tabora

Mkuu wa Wilaya ya Sikonge Mhe.John Palingo ametembelea Shule ya Msingi Majengo na kukutana na Wanafunzi wanaotarajiwa kufanya mitihani wa kumaliza Elimu ya Msingi na kuwatakia heri huku akiwasisitiza kufanya vizuri katika mitihani hiyo.

"Kwa maandalizi haya naamini Wanafunzi wote mtafaulu vizuri, tunamshukuru sana Rais wetu Mhe.Samia Suluhu Hassan ametoa fedha tunasema amefungua Pochi kwa ajili ya kujenga Madarasa ya kutosha ya Sekondari kwa ajili yenu"Mhe.Palingo.

Aidha, Wanafunzi 5633 wanatarajiwa kufanya Mtihani wa Darasa la Saba tarehe 5 na 6 Oktoba, 2022 ikiwa Wavulana 2774 na wasichana 2859 katika shule za Msingi 98 zilizo katika Wilaya ya Sikonge.

4/10/2022

#kaziiendelee