WAHUDUMU WA AFYA NGAZI YA JAMII (WAJA)
Shirika la CARE INTERNATIONAL TANZANIA, kupitia mradi wake wa TAMANI, linapenda kuwatangazia wakazi wote wa wilaya ya Sikonge wenye sifa za kuomba nafasi ya Wahudumu wa Afya Ngazi ya Jamii (WAJA). Mhudumu wa afya katika jamii ni mmoja kati ya wanajamii ambaye kazi yake ni kusaidia katika kuboresha afya ya jamii kwa kushirikiana na mfumo wa utoaji huduma za afya au wakala wa afya ya jamii na jamii wanazopatikana.
MUOMBAJI AWE NA SIFA ZIFUATAZO:
Awe anakubalika na serikali ya kijiji na kijiji kizima kwa ujumla.
Achaguliwe na jamii husika.
Awe anajua kusoma na kuandika
Awe tayari kujitolea katika nafasi hii ya uhudumu wa jamii.
Awe mkazi wa eneo husika kwa kipindi kisichopungua miaka mitano
Awe na umri wa miaka 18 55
Mwenye uwezo wa kutunza siri za mteja na kutowahukumu wengine
Awe na tabia njema na wa mfano wa kuigwa
Kiwango cha elimu ni kidato cha nne.
Asiwe anafanya kazi na mradi mwingine
Shughuli nzima ya kuwapata WAJA itafanyika kupitia mkutano mkuu wa kijiji/Mtaa/kata kwa tarehe zitakazopangwa. Baada ya WAJA kupatikana watapatiwa mafunzo ya wiki tatu ili kuwawezesha kufanya majukumu yao kwa ufanisi.
Kumbuka: Wasichana wanahamasishwa zaidi kuomba nafasi hii
Barua zote za maombi ziambatanishwe na nakala ya cheti cha kidato cha nne. Maombi yote yatumwe kwenye ofisi ya serikali ya kijiji/mtaa husika.
